Pantun Besambut (Gayung Besambut)

ADE SULING KANDIK GUALAN KEBILE DITUTUP NYARING BUNYINYE ADAT KITE ADE ATURAN MAKMANE CIRINYE ADAT SEMENDE	MPUKLAH PACAK JANGAH NYINTUNG KALU LAH LEMAK JANGAH SUMBUNG KANYE PERINTAH APELAGI NGAJUNG ADAT KITE MASIH KITE JUNJUNG
MPUK DIMAK JANGAH  NGANCAK KALU DIUNDANG KITE DATANG KALU DINDAK JANGAH NULAK TUAPE RETI LAMBANG TUNGGU TUBANG	SUTIK ENDAP KEDUE INDIP KETIGE TINGKAH PERIBASE TUMBAK ULU TUMBAK ILIGH KUJUR LAMBANG ADAT KITE
RUGUK KAMPUH LAH JAUH GALE DUSUN BESAK DIKDE BETAMBAH KALU DIPATAW KAH BALIK GALE KITE BEKUMPUL DIMANE BADAH	PUSAT DITAGHIK KUMPULA BATU SIGHATAN BENANG PENGIKAT RANTAI JALE LAMBANG KITE BESATU PEGANGAN MERAJE MIMPIN JURAI
ALANGKAH ILUK ADAT KITE KITE BEKUMPUL NGAPIT JURAI KEBILE CUKUP LAH ADE GALE SAPE YE KAH MIMPIN APIT JURAI	KEBILE BEKATE SELALU NYELAH SIFAT DIPEGANG KAPUH MERAJE KAPAK DIASAH DUE BELAH ITULAH DIE SEADILNYE
MBASUH BEGHAS KITE BEBAKUL PADI PULUT KAH NDIK BAJIK KALU LAH CUPAT KITE KUMPUL TUNGGU TUBANG BADAH BALIK	KATE BULAT LI MUFAKAT TEGUH PENGANCINGAN LI BEGHAT RANTAI KEBILE MERJAE LAH MUSYAWARAT LAMBANG GUCI PENGIPAT JURAI
TANAH SUBUR AYIK DIK KURANG PESAKE TITIPAN JEME TUE SEBUTKAH AGI LAMBANG TUNGGU TUBANG LAMBANG KELIME TUAPE RETINYE	BASE AYIK BEMUKE RATE SEGALENYE KETUKUPAN TEBAT ITU LAMBANG KELIME AYIK NGA TANAH ASAL KITE
PEGI KE DUDUSUN MARTEPURE SINGGAH MINUM KE BELAMBANGAN ALANGKAH SEMELE NASIB KITE DIKDE NGAIS DIKDE MAKAN	EMPUK NEPAK JANGAH PALE TAKUT KALU RUNTUH GHUMBAK AWAK UMBAN TIMPE TANGGE EMPAI BEJALAN NGANDUN LA’ LAK
ADE TEMBEDAK ADE NANGKE KALU DIMAKAN AWAS GETAHNYE BEBAL UNYUL LI BETANYE GALAK NGAH DINDAK NDAK BEKATE	BATANG KEMANG LAH BUBU’AN BUAHNYE ABIS DIMAKAN BEGHUK SANGKAH NDAK GANCANG KITE BEJALAN TAKUT DI TUTUL KAPUH ENDUK
BATANG KEMANG BUAHNYE BINJAI ADE PULE BATANG SEPUGUK AWAK KARUT GINDAK BAGAI PERUMAN NJADI TIGHAH BAGU’	BUAH TUPAK ASE LEMPAUNG ILUK DIBUAT KAH NDIK CUKE KEBILE DIMAK MINTAK TULUNG KALU LAH ADE LUPE LI  DEGE

BUAH KEDUY DIGIRING TEBING KALU DIMAKAN BENILE NILE BEJALAN DIKDE NUNDU’I BAI KETING AWAK TINGAK LAGAK JUARE	BATANG KEMUNING PARAK DEDUGHUK TUMBUH BANYAK DI ATAGHAN BUKIT JANGAH DIBUAT PUNDUK BEGHUK ANAK TENGAH KAWIN DI ANGKIT
ALANGKAH MANIS BUAH RAMBAI LUPE LI PAIT BUAH TEMPEGHUKAK SANGKAH NDAK AKUR KELAWAI MUANAI SALING SAMBUT KALU TEBEGHAK	BUAH GHUKAM ADE SEBAKE BATANGNYE ADE PARAK TEBAT KALU AKUR NGA JEME TUE TUAPE ALANGAN KITE BERANGKAT
BUAH DEGHIAN TAJAM DURI DEGHIAN UTAN BUAHNYE DANGKAL ASE DUDUK ASE BEDIGHI EMPAI BEJALAN KETING ASE TANGGAL	NUNGGU GHEPANG DI PUNDUK PANGKUL BEGHAT BEGHAMBIN LIPEGHULIHAN SUTIK TEGHENDAM DUE TIMBUL SANGKAH TETIBE LI BAGIAN
AGHI UJAN NGAMBIK PUNTUNG BEJALAN GACANG TANDE BEKEJUT PAILAH BEJALAN NGADU UNTUNG KALU GALAK KAH KU JUMPUT	MELUKU SAWAH BATUAN KESIAN KEBAU LAH DILIKUS UNTUNG RUGINYE LUM KERUAN ASAK CUKUP KAH NDIK UNGKUS
KUCING KURUS KANYE DIK MAKAN GEME NGA TIKUS NGAMBIK KUMIS KALU KAH LANGSUNG KITE BEJALAN BERENTILAH KUDAI KABAH NANGIS	JANGAH RAGU NGATEKANYE LEBIH LI UNGKUS ADE GALE KEBILE NIAN AGHI PEGINYE LAH KUTUNGGU JANGAH LAME
BEGHIKAN TEBAT AYIK PENUH BADAN SEGIGIL LI KEDINGINAN KALU LAH NIKAT BEJALAN JAUH INGAT BATAN PEGHULIHAN	AWAK DINGIN BADAN BEPELUH SATE DEMAM DEMAM GELEGASAN TAHANKAH GHINDU BADAH JAUH DIK KAH URUNG LI BETANGISAN
SANGKAH DATANG LIDIAJAK AWAK NDULU MAKAN KEDIAN TAHAN BUGHUK MATI SEPIAK PATIAN DIKDE KAH DILEPASKAH	SINGKAT KATE LI PETUE BULAT KATE LI BEPADU INGAT NASEHAT JEME TUE JANGAH GENGGAM  GENGGAM SEMBILU
JANGAN LULUK PUYUH TEBE KEBILE PEGI DIKDE BALIK NDAK BETIKAT BEBURU GHUSE MPUK SEKEGHAT NGGUNGGUNG BALIK	KITE NCINGKAU KALANGAN TEGHUNG MBATAK KERABAT SEPEDATI KALU NASIB KITE KAH UNTUNG BIDAPAN SANGAT DIKDE MATI

LAH LAME DIANTAK-ANTAK LAME PULE DI TUNGGU TUNGGU SANGKAH BETANYE AKU DIK PACAK BEJALAN SUGHANG NDINDAK NDULU	KALU BEKANCE BEGHEBUT SAPUT DAMI SUGHANG GALAK TANDANG KALU NDAK PACAK JEME KARUT NDINDAK BANYAK DIK KUAWE SUGHANG
KANYE GI SUTIK TALI MELILE ASAK GI ADE TU KAH DIKEBAT AKU GI MASEH KAH BETANYE CUKAH KATEKAH PANTANGAN ADAT	AYAM KUMBANG DIK BEBULU AYAM SABUNGAN NDINDAK NGIRIH BEJALAN SUGHANG DINDAK NDULU AWAK SERAME DINDAK BEGHAGEH
KEMPLANG SAGU CAMPUR BELIDE BATA’AN JEME ULU UGAN KALU GI PACAK KAMI BETANYE TUAPE RETI BETUTUWAN	MPIK-MPIK SAGU CAMPUR GHUAN LEMAK BECUKE MAKAN KELESAN KALU NDAK PACAK RETI TUTUWAN PANGGILAN WARANG PADA BESAN
BUATKAH SEGHMBAL TEGHUNG KEDIRE KALU NAK LEMAK CAMPUR PUAN AKU BETANYE BASE SEMENDE TUAPE RETI KATE PANTAUAN	MANE DIE JAGUK MELAWAN KITE PIARE KANDIK SABUNGAN KALU NDAK PACAK RETI PANTAUAN NGAJAK KEGHUMAH JEME BAGU’AN
JANGAH KABAH CACAK PACAK BEBATANGAN DIKDE NGULE YEMANE NIAN JANGAH DI GHECAK KAH NDIK TURUTAN KAMI MUDE	ALANGKAH LEMAK MAKAN RUJAK AWAK MASAM CAMPUR GULE BADAN LAH TUE LINCAK BUDAK TINGKAH LUK PISAU SARANG BERANGKE
NDAK MERINTAH DIK BEPANGKAT KALU NDAK MAKAN BUKA’  IBAT CUKAH KUDAI TUKAR PENDAPAT MAKMANE NIAN MANGKE CUPAT	AME KITE BEBURU GHUSE KALU TETIMBAK ANAK NAPUH KALU KITE ADE CITE-CITE MINTAK PAYAGHI RUGUK KAMPUH
ADE KUDAI TEDIKDE DIKDE JEME MANE KABA ASALNYE KALU NGAKUK JEME SEMENDE SEBUTKAH KUDAI NAME DUSUNNYE	KALU DENGAH KAH MBUAT BUBU KANDIK NJALINNYE UWI SEGHIMIT KALU NDAK PACAK NAME DUSUNNYE DI PUCUK BUMI DIBAWAH LANGIT
KEBILE PEGI KESEGAMIT AMBIKLAH UWI YE MUDE-MUDE AKU ANTARE BUMI NGA LANGIT BADAHKU ABIS KAH DIMANE	JANGAH DENGAH CECACAK DIKDE TERANG DI ATI TERANG MATE KEBILE BELAGHI KE SERGE RAJINLAH SEMBAHYANG NGA PUASE
AMU DIMAK MAKAN UBAT ALAMT KITE SAKIT PEGHUT JANGAH DILANGGAR PANTANGAN ADAT TUAPE NIAN RETINYE NYEGUT	MAKMANE LI BEGHINGGUT AWAK SE SEN DIK BEDUIT AMEN DAK PACAK RETINYE NYEGUT NYAWE GIADE BADAN LENGIT
KEBILE BEKENDAK AKUK ANGKAN AME MINTAK DIK BEPUAS MAKMANE RETI BESINGKUH BEMALUAN TUNJUKKAH PULE MANE YE PANTAS	KEBILE BELAYAR KE BELAWAN JANGAH LUPE ALU-ALUAN RETI SINGKUH NGA BEMALUAN SESUAI TINGKAH LAKU PERBUATAN
ADE PULU ADE PAHAT JEME NUKANG PERANGINAN KEBILE ADE PANTANGAN ADAT MAKMANE RETI BEGANTI BETUNGGUAN	KEBILE NGARAK BETERBANGAN KLU NARI BESELINDANG RETI BEGANTI BETUNGGUAN SETIE NINGGALKAH PANTANGAN
JANGAN GALAK NAIK KUDE SATE DITINGGIGHI MELUPAT-LUMPAT PANCI DENGAH JEME SEMENDE TUAPE SANKSINYE MELANGGAR ADAT	NYEGUTI AYAM MAKAN PADI ANGKITLAH KIAH MASUK BAKE KEBILE  ADT DIK DITURUTI BANYAK PESAKE DIKBEGUNE
MAKMANE KITE NAK MANDI AYIK NGMPUH MANDIAN DALAM MAKMANE KITE NAK JADI BAPANGNYE JAUH NDUNGNYE NDIAM	KITE MANDI KE AYIK ULU BAWA TIMBUK BADAH SABUN KEBILE KITE SAME SETUJU TEMUI BAPABG NGAH NDUNG
NAIK BUKIT BETUNGKAT BULUH KEBILE PAYAH GHEGHADU DIKIT ALAKAH PAYAH BADAH JAUH KEBILE BERASAN BEBELIT-BELIT	PEGILAH KITE BEGHADU DIKIT ANCAPAN KITE TAMBAH PARAK DIKDE NDAKTAKUT RASAN BEBELIT ASAK KITE SESAME GALAK
MAKMANE TUPAI DIKDE MELUMPAT BADAHNYE ADE DI PUCUK KAYU AMU DIKDE SESUAI SEMUFAKAT MAKMANE YE ILUKNYE KITE TUJU	SEPANDAI-PANDAI TUPAI MELUMPAT NAMUN SEKALI UMBAN JUGE KALU KITE DUE LAH SEPENDAPAT MAKMANE JEME NALANGI KITE
LAH LAME DIANTAK-ANTAK LAH LAME PULE DI NANTI-NANTI JANGAH NIAN KAH NGAJAK LA’LAK BASE MALU TIMBANGAN ATI	LAH LAME NANAM SEGHAI JANGAH LUK PADI TUMBUH LALANG KALU KITE DUE LAH SESUAI KALU DIK JADI  DASAR MALANGAN
DUSUN PEGHAPAU DUSUN TEJEPIT DUE DUSUN APIT BADAH BESAK AGHAPAN ANYE SULIT AWAK DIDUNIE DIKDE BEBADAH	PAGAR AGUNG DUSUNNYE TUE MASIH TUE DUSUN PEGHAPAU MPUK AGUNG AMU DIK BEGUNE LEMAKLAH KITE BESAK AGHAPAN
TERATAK BATANG TEGHITI TEGHITI BATANG MAYE-MAYE LAH TEGHEGAK LUM TERTI TERTI BELUM DAPAT BASE	TERATAK BATANG MEMAYE TEGHITI BATANG KACANG GIMBAL EMPUKLAH PACAK LAH DAPAT BASE SAYANG BELUM ADE TIMBAL
MAKMANE NIAN ASE JUADAH KALU GIADE NUMPANG NGECAP NAK BEGHUSIK DIKBEBADAH BETANDANG MALAM AGHI AKAP	KALU NAK LEMAK MAKAN LEMANG KALU LUPE NGA SERKAYE AME LANANG DIK BESEMANG KAMI BETINE NUNGGU SAJE
SIAPE YE KAH GALAK MARAK KALU BEKANCE JEME PEMALAS KEBILE DIPANTAW DINDAK MBUKAK KEBILE NGIMBANG ABIS LI AGAS	AKU DIKDE KAH MILIH KANCE ASAK DIKDE MUDAH MARAH JEME PENYEGUT DIKDE KAH NGUDE DIKDE NDAK GHEGAK KABAH TULAH
ALAKAH LEMAK ASE GULAI DEKAT SAYANG DIKIT KURANG PEDAS AWAK MPAI NILAH BEKIGHIM SURAT KALU PACAK MINTAK DIBALAS	RINGKIH NIAN TULISAN KALAM SATE KUTERIME TERUS KUBACE DATANGLAH SIANG ATAU MALAM KAH KUTERIME ASAK BEKANCE
SAPE YE DIKDE KAH SENANG SAPE PULE YE DIKDE KAH RIBANG KALU BETARUH BALIK KANDANG MBAK SIRIH NGULANG KE GAGANG	MPUK MENGKAK JANGAN BEDAGHAH DIKDE SAKIT MPUK TELABUH KALU MBAK ITU KATE DNGAH ASE EMPAI GHULIH DEGHIAN RUNTUH
ALANGKAH MANIS BUAH DUKU GHULIHAN MBELI DIMARTEPURE SEMEGI BENAGH PEGHASEANKU MAKAN SIANG BELAMPU PULE	TUAPE CIRINYE KITE KENAL KEPALANG KATE LAH TEKAIT ADE KATE ADE TIMBAL MBAK UWI PENGARANG RAKIT
BASE AKU ADE CERITE MAAF KALU TELANJUR KATE ABIS AWE LI BECERITE KAH MANE NIAN AMAK AN KITE	KALU MAKAN MAKAI SIDU ADE PULE PEMBASUHANNYE KITE DIKDE TEBURU BURU ADAT ADE ATURAN MAINNYE
GAYUNG BESAMBUT
KAH KEMANE BADAH TIDUK LAGI TIKAGH DIKBEDIE UDE KUDAI CACAK ILUK NGAJAK SINGGAH LAGI DIKDE		NDAK TIDUK DIKBETIKAGH DIK BEGUNE ADE BANTAL DUDUKLAH SINI SAMBIL NYANDAGH DIKDE KAH NGAPE KITE LAH KENAL
KALU BEJALAN NGIRING GALAK NUMIT NGAMBIN GALAS DIKBESEMBIKE JANGAH MARAH BETANYE DIKIT AKU NDAK BEKENALAN SAPAE NAME		SALAH NIAN PEGHASEANKUSATE KUKINAK DENGAH MENDAM KALU NDAK PACAK NGA NAMEKU AKU SENAME NGA BINI ADAM
PAILAH DUDUK TUNGGAL KERSI NEGAHGHI CERITE JEME BAHAGHI KALU DENGAH GALAK KAH KUTEMUNI KEMANE MIDANG KITE PAGI		KABARNYE DENGAH ADE MOTOR KITE MIDANG CUGHUP TENANG PETANG KELE AKU KAH NGATUR KALU DIAJUNG ENDUNG NGAH BAPANG
PEGI BEJALAN KE TENAM BUNGKUK SINGGAH DIAYIK KITE GHEGHADU KATEKALAH KENDAK SAMBIL DUDUK DIKDE NDAK BNGUNG ATAU RAGU		AKU LAH UDE NAIK PEDATI SATE BEJALAN NGUNJAK-NGUNJAK KANYE DIKIT AKU TEBUDI LAIN DIKATE LAIN DISURAT
DARI PELIMBANG KE BENGKULU NAIK MUBIL GUNUNG INDAH DINDAK BIMBANG ATAU RAGU TUPAE DIJANJI TAHAN SUMPAH		EMBAK INI BANYAK BUDAK SEKULAH KEBILE TAMAT IJASAH NEGERI KALU LUM DAPAT TAHAN BESUMPAH DAMI LAH DAPAT DIK TEGHINGAT LAGI
KALU DENGAH DIKPERCAYE SATE TUGHUN KE DUNIE LAH BEJANJI AMU BUKAN RIBANGKAH DENGAH KAHKUTAHANKAH DIK BEBINI		AGHI MALAM BALIK KE GHUMAH NGAMBIK AYIK ADE SEIMBIR KAH MAK MANE ACAKAN DENGAH NGAPE DUNIE LAH DIK BEPINGGIR
PANTUN MEMOTONG PADI
PADILAH KUNING NGAMBIK JEMUWAN ADE SELANJUNG TEKE TANGKAINYE NANAK SEPEGHIUK NGAJAK PANTAWAN MAKAN PADI EMPAI ITU NAMENYE		KALU KAH NGETAM KEBILE NEMBAI DIMANE KINAH AKU GALAK AKU NAK NUMPANG MAKAN PADI EMPAI SAMBIL NULUNG SAMBIL BERAYAK
PADI LAH KUNING DILIRING BUKIT NGETAM BANYAK MAKAN TUAI EMPUK DIMAK TAHANKAH DIKIT KEBILE AGUNG DIK BETEMBAI		SAPE YE DIMAK DITULUNG SAWAH LIBAGH PADI BEGHENAS SAMBIL NGETAM KITE BEREJUNG DIKDE TEGHASE AGHI PANAS
MASAK LEMANG ADE SEBARIS KAH NDIK MAKANAN BEBIE NGETAM EMPUK PAYAH DIKDE NAK NANGIS SEMANG BALIK KITE TEMALAM		NGETAM PARAK NGAH PEGHUMPANAN PADI DIKETAM SE SE TANGKAI SAPE KAH NULUNG BEGHAMBINAN KAMI KAH NULUNG NANAK NGAH NGGULAI
LEMAK NIAN NGETAM BEBIE DIKDE BE PAYAH GI RIBANG TULAH DIKBETUE APELAGI MUDE KECIK BESAK TUGHUN KE SAWAH		AGHUMAN JANGAH DITUNGGALKAH TENGKIANG PENUH SAMPAI KE ATAP NGETAM LUM UDIM GHULIHAN KATAH SEKAT TEBAYAR LAH CUKUP NISAP
AMBIK TUAI DALAM GHUNTUNG SE SE LANGGUM MASUK BEGHUNANG AMBIN SELANJUNG UDIM DIGUNGGUNG MASUKKAH PADI DALAM TENGKIANG		JANGAH LINGAH SIANG MALAM INGUNAN PIARE KAH NDIK GULAI SEGALE GAWI NGGUK UDE NGETAM KITE TUNGGUI AGUK AN JURAI
PADI BANYAK ADE SELANJUNG PADI PULUT KAH NDIK JUADAH SAMBIL NGETAM KITE BEREJUNG GHEGHADU DIKIT UBAT PAYAH		NEMBAI NGETAM MAKAN SERABI DI ENJUK MANIS TEBU MANAU ILUK ILUK NYIMPAN PADI DANDANAN IMPANI BAWE KE DANGAU
AGHI PETANG KITE BALIK NASI SE IBAT SE GHUAS GULAI KEGHISKAH LEMANG DIWIK DIWIK KITE LAH UDE MAKAN PADI EMPAI		ALANGKAH SEMANGAI UDE NGETAM PADI ADE TAGULAI KATAH DIKDE MALU MERAHE TEMALAM ADE TETAMU KITE NJUADAH
USIM NGETAM KITE LAH UDE RUGUK KAMPUH SAMPAI GALE YE USURANNYE DIENJUK SEBAKE ITU ADAT JEME SEMENDE		TUNGGU TUBANG LAMBANG KITE ANAK BETING NUNGGU GHUMAH SAWAH NGA KEBUN DIURUS GALE BADAH KEBALIK AN RUGUK KAMPUH
GYUNG BERSAMBUT
SANGKAH LEMAK TEMALAM DI UME GULAI IKAN ASAMNYE BANAGH MANGKE PINTAR LUK LUK JEME KU TAHANKAH TUE LI BELAJAGH		AKU TAHAN DIKDE NYANDAGH ASAK DENGAH TAHAN DIK TIDUK SATE BESAK AKULAH BELAJAGH LAH NIPIS PINGGANG ENGKAS DUDUK
AKU DINDAK KETINGGALAN JAMAN TUAPE GAWI JEME AKU TURUT KALU ASENYE LUM KAH NEMAN IKUTKAH KIAH JANGAN CACAK GERUT		KALU NGINAK JELITKAH MATE KEBILE NATAP KECAKKAH TETEGUH SANGKAH ENDAK NAK MANTAP FIKIRAN KITE BANYAKLAH RUGI UNTUNG GI JAUH
KALU KAH NYEBRANG KE JAKARTA NYEBRANG NDI MERAK KE BAKAUHENI ALANGKAH RUGI JAMAN MERDEKA AWAK PEJUANG DIK NGIKUT NGISI		MIMANG KEMERDEKAAN NDAK DIISI RELA BERKORBAN DEMI PERJUANGAN KALU DIKDE IKUT BERPARTISIPASI KANYE PEMUDA PEMUDI PEMBANGUNAN
KESENANGAN MIMANG NAK DICAKAGHI KALU IDUP PANTANG MATIKALU SALAH ANGGAPLAH BELAJAGH TERUS BEJUANG JANGAN BERENTI		JANGAH GALAK KITE SINTIMIN KALU KITE DIKDELAH KEBAL DIK DE MILIH KAYE MISKIN TEKAD SEMANGAT ITULAH HARUS TEBAL
KEMERDEKAAN KITE MILIK GEGALE BUKAN BEBAS SESUGHANGAN KITE BANGUN NEGERI KITE TINGGAL LANDAS BUKTI PEMBANGUNAN		PELITA ENM DIAMBANG PINTU PEMBANGUNAN KE DUE JANGKA PANJANG PEMERINTAH KITE KENDAKNYE BESATU BULATKAH TEKAD KITE BEJUANG
JANGAH PILIH-PILIH TEBU KALU TEPILIH YE ULATAN NEGARA KITE LAH TAMBAH MAJU KAH TAMBAH LUAS LAPANGAN PEKERJAAN		BELAJAGH TERUS JANGAH MALAS CARI ILMU DAN MODAL PENGETAHUAN ARTI KEMERDEKAAN ITU LUAS ITU BADAHNYE KEADILAN DAN KEMAKMURAN