Sebuah Pendapat Pribadi “TRADISI NGGUGUR GADIS”

Oleh: Rasyad (jeme segamit)

Ade kebiasean jeme kite ye dikde bagus terutame anak-anak mude atau bujang-gadis, yaitu kebiaseaan nggugur gadis. kebiasean ini sedikde-dikdenye terjadi di dusun-dusun Semende Daghat Ulu ye aku pernah tinggal atau berayak ke dusun itu, misalnye: Segamit, Berincit, Remantai, Pajar Bulan,Tanjuraye, Cayalam dan lain-lain. Aku nginak dan ngalami kejadian-kejadian ini mulai sate aku lah pacak njegilkah mate menjelang
taun 1980-lah, waktu itu aku mpai kah masuk sekolah MIS di Segamit. Pokoknye sengkiap tiap malam bujang-bujang meghalang, batin mude, dan bahkan ade pule batin tue ye lah becucung kapuh gemeretuk nggugur gadis abis magrib, kalu ade gadis nunggu ghumah. entah dimane die pacak kamangan bugae lebuktu, kalu ade gadis nunggu ghumah di mane kinah badahe pasti ade jeme pacak. sepengetahuanku, waktu nggugur gadis ade ye

dibuka’i ade ye dikde. kadang-kadang gadis ye digugurtu milih-milih sape die ribang bukainya abistu malam itu tiduk ngga gadis itu atau mungkin betandang setengah malam abistu balik. kadang-kadang ade sampai sepuluh ughang kapuh jeme ngugur gadistu, netah kisah ndi mane metunye, amu rami-rami mbak ini, kalu lah ade ancang-ancang kah bukainye li gadis ye digugur tadi mangke jeme banyak tadi atau kance-kance kite ye dikde disukai gadis kite gugur tadi ndak ingkukah kudai, kite ncakae alasan, pura-pura balik dan lain-lain. nah amu kite ngingkukah kance-kance tadi ketauan kah urung adak ribut, bahkan sampai belage kapuh, ape lagi kalu kite lah masuk ke ghumah gadis tadi. jadi perinsipnye, amu masuk same-same masuk, amu dikde same-same
dikde. nah biasenye kalu jeme besuarian, ye ghapat dibuka’itu suariannye, kecuali suariannye itu dang di kebuh kapuh ngga pule lame dik balik-balik, anye amu kele ketauan li suariane bahwe betine tadi mbuka’i bujang lain alamat pule ribut dan bahkan putus atau berenti besuarian. sebenarnya, mpuk jeme lah pacak gale kalu si gadis itu lah besuarian masih kinah jeme kah gemeratak-gemeritik ngugurnye dengan aghapan sape tau kele buka’inye. dalam hal nggugur gadisni ade satu prinsip jeme Semende bahwa “wanita itu, kalu lum dinikahi hak besame”. ini artinye kalu masih gadis mpulkah besuarian, sape kinah masih berhak nggugur atau merayunya amu die galak. Amu pendapatku kebiasean nggugur gadis ye luk kukatekah tadi adalah tradisi ye memalukah jeme jage. Cukah kite bayangkah, amu ade jeme ye nggugur gadis parak nggah ghumah kite kemudian didengae li ndung bapang kite, atau li kelawai kite, atau ndung gadisan kite atau ibungan kite atau cebuk’an kite, makmane kire-kire maluan ape dikde? Kurase dikbedie jeme jage yek dik abang idung, ase-asenye ye gemeratak gemeritiktu ndak begas nggah kayu, ndak jagal, ndak kutak kelahekah ngguk dapat. Ngape angkan mbak itu? Karne titu aib. Nah cukah bayangkah pule sekirenye kelawai atau ibungan atau ndunggadisan kite ye gugur jeme maluan ape dikde kite? Kalu kite maluan oi mbaktulah pule jeme maluan kiamat, karene itu bertentangan dengan adat ape lagi dengan hukum syari’at. Sebagai akibat dari ghapat ige nggugur gadis mangke banyak jeme ye makgawi daghat (berzina), akibatnye pule banyak jeme ye kembung dik belaki. Biasenye amu lah ketauan li ndung bapange bahwe anaknye lah makgawi gacang-gacang dikawinkah ndik nutupi aib keluarge. Anak gulihan makgawitu biasenye selalu dipandang hina oleh masyarakat, tetapi masyarakat masih kina dibejeghe nggugur gadis.Dulu waktu aku masih gi kecik, aku pernah ndengae bahwe kalu ade jeme makgawi mangke hokum adatnye ndak Mbasuh Dusun, anye sampai mbak ini aghi aku lum pernah ndengae di badah kite semendetu ade jeme mbasuh dusun karene ade jeme makgawi, padahal amu
kite selidiki mulai ndi dikale tua lah beghape banyak jeme mbak itu. Jalan keluaenye menurutku ade dua, pertame jeme tua harus selalu nasihati anaknye ape bujang ape gadis same saje jangan mbuat malu jeme tue. Kedue idupkah atau buat hukum adat mangke jeme jeghe. Jadi sape kinah pegi ye nggawikah perbuatan tercela itu hukum nggah hukum adat kudainye, kalu masih kina atau die melawan serahkah saje ke pelisi. Barangkali dengan care mbak ini kebiasean nggugur gadis itu lame-lame kah abis dan perbuatan zina (makgawi) jeme kah bepikir-pikir nggawikanye.

Time: Sabtu April 26, 2008 at 11:50 am
IP Address: 203.91.153

16 Tanggapan

  1. Nduk maluan pule oy amu kawin tekejut……….
    la di kicikkah jeme saje, beduse pule, Pejadi dindak ngagukkah, aduh sedeh nian,,,,,,,,
    (itulah jangah galak makgawi)

  2. Ass…
    Sebenarnye “Nggugur Gadis” didusun kite itu kebiasean ye karut tapi dektau dilengitkah, maklum daerah dingin… Dan pule jeme dusun kite tu (terutame jeme tue) terlalu diktator kalu ngajari anak-anaknya, apelagi rombongan meraje…
    Pendidikan seks kandek budak-budak mude lok nye tu tabu, padahal mangke rombongan budak mude tu keruan nggak sadar kalu makgawe tu beduse besak…
    (Intinye jeme tue ngajari anaknye secare demokrasi, jangah nggak gaya diktator)

  3. oy… ame nak kawin di agukah empuk kecik sedih lupe ame dikde di agukkah

  4. nguk nian titu sad kate kaba tu kebiasean karut,dik pernah endak ncapakanye.seharusnye mulai mbak ini capak gawitu
    amu kite sempat balik atau sempat mbahsnye payulah kite
    ajak,kite njuk tau bahwe kebiasean itu karut menagr.kite capakkah saje kebiasean sutek ini.gi banyak kebiasean ye ringkih ye dikde maluan nceritekanye.

  5. oy kakang kance kancce aku ini jeme semende . aku injik benae nginai website jeme semndee luluk ini.

  6. oi ngunian kang q ribang nian gak pendapat kkg tu mudah2an nian jeme kite ni pacak sadar gale.

  7. he he care bugae kite ladas nian nggugur gadis,,,dek ngkare ade ye la pengalaman pernah kene tugur kapuh li muanai gadis,,,,

  8. Jangah ngomong lihut…
    mase ngobrolkah ” MAK GAWI “

  9. mangkenye mulai sekarang kite tanamkah untuk generasi penerus kite…..jangan ngikuti care2 jaman nenek moyang kite ye sudah terbiase soal bujang ngugur gadis…kalau itu di anggap perbuatan karut….

  10. luluk cerite film saje kapuh bebujangan nggugur gadis, mbak mane ame kapak bapangnye, laklak pule gawi lah nak duit pule, dak lah ngacae juge oi diluar daerah

  11. Heeeeeeemmmmmm………. itulah mak balik kedusun mangke kepayaghan lekuk jeme didusun makini aghi… amu jaman kaba gi kecik dulu kalu nian…jme nggawika tuk luk kaba kate ka tu…!!!
    amu kire2 kaba beniat baik nian dika selesai masalah nggugur gadis tu li kaba nceripit disini…!!!
    enjuk pengarahan bujang gadis di dusun tu….njuk solusi … mancan kaba kah ngude disinilah ?????
    hemmm……..luk dakcik amu kate q kabani RASAD

  12. nyelah nian titu mang…anye gawi ni lh payah nk ngubhnye.tnggal blk na jemeny sughang2 tulah…bemalu ape dkde…trimkasih.

  13. ce.. ngape sangkan jeme semende tu palak taguk?

    • karne jeme semende tu, selalu mendapatkan limpahan kasih sayang ndung bapangnye.

      tau diwek kalu jeme semende tu kebyakan betani, saking sayang dengan anaknye, di gindungnye saje anaknye tu, mpuk die dang njawat/betani.

      dikpernah ditidukkanye, njadi palaknye tu dekde tebentuk luk anak jeme yang ditidukkah tu…

      itulah sangkan jeme semende tu taguk-taguk palaknye.

      selalu dipitung kemane kinah

  14. kebiasaan nggugur gadis ade juge didaerah enim terutame didaerah uluan dari dusun seleman, tanjung agung sampai ke simpang meo namene busik gadis. Aku juge sempat ngalami memang ribang nian asene waktu itu. Tapi tambah tue badan pandangku jd berubah jadi antipati karena kurang iluk. apelagi gadis yg ditemui nunggu huma suhang, banyak kejadian gadis bunting mude karena kebiasaan ini. menurutku boleh2 saje nggugur gadis tapi ade jeme tuene jd pck di kontrol

  15. aku endak betanye,ade dikde jeme kite enjak talang padang,polopanggung,gunung merakse,and kunung megang,yang hapat singgah di blok ini.endik kambangan rugugkampuh yg didusun .salam enjak kami dijawe.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: