NGIBALI SEMENDE BAGIAN #1

Nah ndik kance-kance jeme Semende, pailah kite ngibali semende kia. Kite ibali kisah di pangkal semende. Amu nak kisah di pangkal semende dari arah Marinim nak kisah di Talang Abib , amu nak pangkal Semende dari Lahat ndak kisa di Tanah Abang.
Anye Mangke Parak juge badah kite ngibal kite ambik kisa di Pulu Panggung masuk ke ulu. Dusun pertame ye kite temui namenye susukan Iligh atau Batu Surau, sebelum masuk Susukan Ulu kite ka melalui jalan supit dan bebiluk-biluk. Di pucuk tebing di bawah jurang dalam. Mangke kite pule ka melalui aik inim dik beikan, entah amu cerite nining diknia bie ikan galak tunak diruguk itu.Dik urung takut mpuk ikan, mane dingin mane sepi, mpuk ikan pacak nggak semangai amu ade mataghi ndak bejemuw aghi, maklum la abad due puluh satu ikan lagi la lain. Nah amu bemotor jangan ngebut-ngebut diruguk ini kalu tesunuk nggak palak mubil ye tau-tau mbrucul. Tintinan mutur tu dik ka ngape ghapat juge di picit. Anye amu bejalan kaki gila gacang juge mangke gacang sampai, karne kalu jagal simpai kapuh dik bie badah mintak tulung.
Nah bejarak 5 menit amu be mutur kite masuk dusun Susukan Ulu atau Tebing Abang. Mbasi susukan ulu dan iligh ni masih pecahan dari dusun Martenang. La lalu susukan ulu kite ngulang melalui jalan supit dan bebiluk-biluk, ntah ala ka ribange puyang-puyang dikale mbuat jalan bebiluk-biluk, cuka lughuskah saje.Kidau kanan la dikde jurang agi, tapi la ataghan sawah nggak kebun. Separu ataghan sawah jeme martenang separu ndik jeme susukan tula. Udim susukan ulu dusun ye ka kite masuki Sri Tanjung, jarak kisah di susukan ulu ke sri tanjung sekitar 10 menit kapuh. Sebelum masuk Sri tanjung ndak ati-ati karene ade engkas tanah teghebis tahun 2006 dikale dan ade 2 ughang ye matik disane.
Antak ka masuk ke sri tanjung ade simpang tige, Amu lughus ke arah Martenang, amu ke kidau ke arah Tanjung Raye. Kite ngidau kudai ke arah tanjung raye. Pangkal Dusun Sri tanjung kisah di Pulu panggung di awali nggak Kantor Camat, perumahan bidan, pusat kegiatan kecamatan Semende Darat Tengah ade di dusun ini. Setak dusun sri tanjung tebing, sampai tuju ma kades mpai datagh. Di dusun Sri Tanjung nila terdapat lapangan Badminton terbesak di semende. Gedungnye ngkas gedung KUD lame. Tiap petang selase nggak jumat rami, kisah dimane-mane jeme main. Udim dusun Sri Tanjung kite ka masuk dusun Tanjung Raye, Dusun Tanjung Raye temasuk besak dibanding nggak dusun ye la kite lalui tadi. di ujung Tanjung Raye ade pule simpang tige amu lugus ke Pajar Bulan amu ngidau ke Tenam Bungkuk. Kite ngulang ngidau, kite ibali kudai Tenam Bungkuk. Jarak kisa di Tanjung Raye ke Tenam Bungkuk kire-kire seperapat jam, sebelum Tenam Bungkuk ade dusun kecik namenye amu dulu Tanjung Iman dan be kades diwik,
anye mbak ini masuk ke Tanjung Raye. Kisa di Tanjung Iman ke Tenam Bungkuk ni ka ngulang melalui jalan bebiluk-biluk pucuk tebing bawah jurang sebelum sampai ataghan sawah. Sebelum liku terakhir ka masuk ke tenam bungkuk ade simpang bedagahatn. Simpang ni ndik jalan ke MIN Tenam Bungkuk nggak ke Landebuw.
Dusun tenam bungkuk ni besaknye besak kurang lebih sembak tanjung raye. Udim tenam bungkuk bejarak 3 menit kite masuk dusun Kota Padang. Ampir rampit mbasi dusun due ni. Anye amu di kinak-kinaki besakla Tenam Bungkuk dikit tinga Kota Padang ni.
Di ujung Kota Padang kite beghadu kudai kalu la payah, nggak pule kalu motor la angat. Kite ndedak kudai, alaka alap pemandangan di ruguk ini. Lum ringkih puncak Bogor dibandingka nggak bada ndedak ruguk Ini. Ka kuceriteka kalu ade ye lum sampai ke ruguk ini. Tu kite dedakni jalan ye ka kite lalui menuju dusun Gunung Agung. Kisa di Kota padang ni kite ka nughuni tebing bebiluk-biluk, ade sekitar 4 bilukan sebelum sampai ke jerambah aik………….., guk ini datagh sebelum kite naik tebing Semantung namenye, ade sekitar tujuh bilukan sebelum sampai ke ruguk datagh. Nah la ruguk dataghni namenye Mandi Angin. Di sini berdiri SMPN 1 SDT. Pokoknye alap nia guk ini ndik bada ndedak.
Nah la ghadu payah, mutur la ngulang dingin, kite laju pailah. Jarak dari Kota padang ke Gunung Agung sekitar 20 menit, kite ka melalui jalan ye kite dedak tadi. Perikse kudai rem-rem motor karne tebingni nunggit nia.kidau kanan mpuk bukan jurang dalam, anye masih ka sakit amu tetunggit kurase. Setelah nughuni tebing la sampai ke jerambah guk datagh perjalanan kite ka naik, hati-hati tikungan tajam sambil naik, amu dik salah sekitar tujuh tikungan sampai ke guk datagh. La sampai ke guk datagh ka ngulang ndedak jalan ye kite lalui tadi dik kalah alapnye, anye amu pepakli ndedak laju dik sampai-sampai pejalanan kite ni. La di jalan datagh ade SMP 1 SDT berdiri tahun 2005-2006, bejarak 300 meter ade pule MTs GUPPI anye sayangnye muridnye la tinggal dikit. La ade kebun sayur di ruguk ini. 500 meter sebelum masuk dusun Gunung Agung kiri kanan adalah persawahan.
Masuk Dusun Gunung Agung diawali dengan naik tebing, la guk datagh mpai bebiluk lalu kite nughuni tebing, jadilah tebingnye,udim itu datagh agi sampai ke ujung dusun. Anye ngulang nughun sampai ke jerambah la diujung dusun nia. Mbakmane ka terus pejalanan kite ni? Due agi dusun ni sebelum sampai ke ujung semende di sebelah ini ye bebatasan nggak wilayah Lahat. Meghalang kite laju paila, Perikse kudai minyak Mutur. Dusun selanjutnye ye ka kite ibali ni Namenye Rekimai, jaraknye dari Gunung Agung ni setengah jam. Amu dulu zaman aku gi kecik dang bejalan keting ka milu bapang ke Kebun dik tebayang bahwa ruguk ini ka bejalan aspal. Karne waktu itu jalan kisa di gunung Agung ke Rekimai ni lebihan li kubangan, dalamnye apus batin, udetu batu mbembak kebau tiduk. Itu taunan aku gikecik. Manke mbakini la bedepus, cacam zaman………………mbak ini kidau kanan jalan la ditanami jeme dengan sayur mayur. Satu kemajuan dan kebanggan bagi masyarakat semende, akhirnye sadar juge galak
memanfaatkan lahan ye ade. Anye gi sayang ye nggawikanye masih banyak tenage ye didatangka dari Bandung, semoga amu la pacak kele dik agi ka ngajung jeme Bandung, tapi sedakde jeme semende ye galak ngaguk nggak galak belajagh. Dik bie rupenye tu dindak tumbuh di bumi tuhan ni amu galak bepayah.
Setelah setengah jam bejalan kite masuk dusun Rekimai Jaya, dusun ini adalah sentra tanaman kawe karne hampir dik bie sawah di ruguk ini. Bekebun kawe gale kebanyakan penduduknye. Mpai mbakini la ade pule ye mbukak kebun sayuran. Kite laju dikit agi palangan ke Matang Pauh ye bejarak seperapat jam anye jalan la mulai karut. Inilah dusun terakhir atau ujung semende disebelah ini karene kalu nerus ke Tunggul Bute la Masuk wilayah Lahat.
Pejalanan kite cukupka kudai nggak sini, la payah, mutur la abis minyak, napas la dedasuh. Bulan depan kite ngulang ngelipat kisa disimpang tige Sri Tanjung Ngarah ke Martenang….

Tembok baru akhir Maret 2009

Kiriman: karmansdt@yahoo.co.id

23 Tanggapan

  1. Nice info.. Bagi ye blm prnah ngibal ke dusun2 ye dimaksud, infonye begune utk jd panduan & peta kalu nak midang2 ke arah sane. So.. Ditunggu episode ‘Ngibali Semende #2’

    • dimane martenang tu au… aku ni jeme semende besak di way tenung.. anye sekali lagi belum pernah ke semende. ntah dimane titu… pejadi gi ngumung martenang2 mak’itu..

  2. Nduk jauh pule pejalanan kaba,sampai keujung mengkunat..

  3. Lemak nian jalan jalan ame makitu

  4. aku jeme semende.ssape galak bekance nga aku?gila mpuk karut asalka ringkih hatinye…..

  5. hermansya ame boleh betanye jeme dusun mane kaba?aku jeme muara tenang

  6. lezi kan bukan jeme muara tenang?????????????????

  7. lia alngka sombg dengh,dipantau ca2k dkd nengae.dmn bd dnga,ngks dmn?ngp aku jrg tknk nga dnga dikmps?udnka cwk,an sj?kuliala iluk2. bpg dngatu ngkas gru SD ku, bengs palngn.aku prn digupaknye,gr2 blage.blz dnga?mpuk kart akuni mash sedarh nga dngatu?hehehe…………….

  8. Oi …kaba akuni jeme pulau panggung,anye mak ini tinggal di m.enim…

  9. haey haey…………….
    Ana guleh ikotan dde????
    jeme pasemah air keruh tine.
    AnyE makini lgi Ncakagh iLmu di Pdang…,,,

    Kmu2 tu dnme baE we?????????????

  10. Oii…kance kance?ame nak makan pizza durian(deghian) 12rb/bks hub//085210397460
    atau email:guns.n.rosesz@ovi.com
    from_ jeme pancur ringkih….
    **untuk cewek free/gratis alias gx byar**

  11. Oii…kance kance?ame nak makan pizza durian(deghian) 12rb/bks hub//+6285210397460
    atau email:guns.n.rosesz@ovi.com
    from_ jeme pancur ringkih….
    **untuk cewek free/gratis alias gx byar**

    dijamin 100% halal

  12. amu jiku kabah ngidau sandi sri tanjungtu,tembus ke martenang,maitulah pule amu ngidau sani tanjung raye tembus ke pajar bulan.nyelah dikde?kabah ni jeme semende apa bukan?

  13. woi mang la p-anjang ige dide sanggup lagi jeme macenye

  14. lemak niah mbace crte ni..
    sesuai nga aslinye…
    q la udem ngerasekanye luk crite ni…

  15. aq ni lhir di plimbang
    anye jeme tue due2nye asli Pajar Bulan

  16. Aku jeme tanjung raye,lemak bacenye ase endak balik ke dusun gacang aku ingat endak badah kite tapi jauh lebaran kia balik nih lah rindu endak lubok ayik beringin,ini karman mane bukan guruku dulu,

  17. Aku jeme semende martenang.sape kance ndak tundeka ke daeraku.ye banyak wisatanye.aku siap.kalu di Martenangtu bada ngibal ngak bujang gadis.biasenye.ame petang di Sengarahan.disane ade sejarah peningalan belande..disanela bada betindai tindai nungu ahi malam.. Na kalu hari mingu.kami jalan jalan Ke Air terjun curp tingi.bada nye ke ara Matang ube sane…na kalu lapuas ke Air terjun curup tingi kami ke Candi,.disanetu bada.Mas pangiran bunang.betedo mae kate jeme tue..by..ibnu cansela

  18. Gi slah bilukan sje dk masalah, jangan ma’itu ige jum,lh payah jeme ngarangny titu.

  19. nduk lemak pule.cukah ditenam bungkuk td singgah kudai kehuma kami.huma kami ditnam bungkuk tla.byk kopi2 ye lemak asli semende.by ronal tenam bungkuk

  20. kalu ndengagh cerite kite disini aku rase ndak balik kedusun lahlame dirantu dede balik-balik kalu ade sanak pamili kace-kance same marge semnde pingin kenal aku asli jeme semende di desa siring agung turunan pajarbulan ini no hpku 085263675911 aku maini dirantuan tepanye di padang begawi di universitas andalas unand

  21. kble ngibal ke arah cayalam kapoh mak melalui dusun kami tanjung agung

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: