oleh: rasyad segamit
PANTUN RATAPAN
Ke kaduk andun besiang
Singgah ke talang membeli nangke
Mangke nduk ngeghase sayang
Ngguk reringge di palak tangge
Kalu ke kebun naik kerite
Jangan lagi bejalan kaki
Kalu di dusun dibenci jeme
Belaghi kiya dik balik agi
Ke kaduk andung besiang
Singgah ke talang membeli kain
Lagi nduk lagi dik sayang
Mandani pule jeme lain
Kalu ndak nginak kalangan kami
Kina’i kalangan di pucuk jukuh
Amu ndak nginak malangan kami
Kina’i ujan campur guruh
Anak elang anak lelayang
Anak berebah terebang tinggi
Adak hilang adak melayang
Adak bejalan dik balik lagi
Nduk-nduk belalang panduk
Singgah ke kubang kekeringan
Alangkah sial si anak nduk
Bejalan sunghang io besedingan
Kalu ndak nginak kalangan kami
Kina’i kalangan di pucuk jukuh
Amu ndak nginak malangan kami
Kina’i ujan campur guruh
Selame dik nanak minyak
Buah kepayang belah-belah
Selame dik paling kinak
Nginaki bebayang ase nyelah
Mbak mane ndak gulih padi
Sawah tanjungan gajah gale
Mbak mane rasan ndak njadi
Jurai mah dengah negah gale
Alangkah pedih lukeku ini
Balut nggah kain mangke dik kuyak
Alangkah sedih idupku ini
Idup melain ndi jeme banyak
Lah diketawi jalannye licin
Mengapa adik lah besepeda
Akuni jelek lagi misekin
Kenapa adik lah jatuh cinta
Betaghik kayu diambik
Dibawe tughun lah belah due
Kecik ati nggi sape ngambik
Batak’an tughun keduninye
Alangkah iluk si manau itu
Iluk diambik ndik bingkai rungkuk
Alangkah iluk si budak itu
Iluk diambik ndik nantu nduk
Petang-petang silaplah lampu
Lampu tekedan di pucuk meja
Petang-petang kemane aku
Idupni numpang selalu susah
Bedepas memancung buluh
Buluh berisi lah ular lidi
Kalu adinda berkate sungguh
Di dalam laut kah kutimpasi
Cak ciluk ikan kerali
Sipat melanting lah ke pematang
Cacak iluk amu di dai
Kelam seliku lah nuduh bapang
Alangkah mahal buah kuingi
Waktu digutuk umban meberaibai
Alangkah sial nasibku ini
Idup di duninye dik pernah senai
Amu dindak nggah seghai seghut
Ambiklah seghai di lembak siring
Amu dindak nggah kami karut
Cakelah jeme ye putih kuning
6 Juni 2008
PANTUN OBAT GHINDU
Kiriman: jeme Pajar-Bulan (taguksmd@yahoo.co.id)
Kerakap la naik kandang
dide kuajung naik tinggi
ku harap budak ini tandang
dide kuajung balik Agi.( ati2 kalu marah bapange)
engkuk ade keladian
sekali adak kusiangi
engkuk ade suarian
sekali adak ku tiduk,i…(BAGUSSSSS)
ala ka akap malam ini
luk malam tige puluh
alaka alap gadis ini
luk keghe naik buluh…(jadiiiilah Ye penting benyawe hik hik hik……)
cak icang burung cak icang
cak icang burung nuri
dalah kudai cacak ringkang
awak pusat nganguk ke belakang he he he…( aii Cecangkah)
Filed under: Uncategorized |
aku pingin cari alamat cwek manis dr pulau panggung tepatnya kp.2 kec SDL muara enim
hohoho..lucu…
oi akuni jeme semende nakmintak cerite tentang daerah semende darat ulu.amu ade mintak alamat email jeme datar lebar
aiiiii…bace pantun malah jdi ghindu ngah dusuuuuun……!
Nduuookk…ase nak balik ke dusun udem mbace titu
Tambah lagi Mang / Bung! Kalu pacak, tambah lagu daerah Semede asli ( itar atau orkes)
Kalu dang bingung, Aku mbukak Situs ini. Aku Mbak ini dang jauh nggak dusun, Aku + keluarge dang di Perth Austalia, dang nuntut ilmu (S-3). Tolong do’akah mangke kami gacang dapat Doktor. Terima Kasih.
kemane burung bukbut kah nyakae burung enggang.kemane bujang karut kah nyakae gadi hunggang.
buah duku buah rambutan
masak satu di dalam hutan
cintaku bukan buatan
bagai paku lekat di papan
bace pantun nie cak nye teingok dusun…
cak nye bace pantun nie teingok doson nian….
Buluh gading buluh aur
Buluh mayan pinggir sawah
Ding behading haruslah akur
Mangke berasan jadi mudah
Buluh dabuk pandak buku
Mayan klingi besak-besak
Rasan iluk belum tentu
Rasan jahat lah tekinak
Mancing seluang umpane ulat
Ulat sembuni ditunggul kayu
Jangan besemu nganing nasehat
Supaye tejage adap dan laku
Pantun Semende mempunyai makna tersendiri bagi yg mengucapkannya.