Luk biasenye Ude makan lepas magrib, Mang Panjul nga anak-anaknye Sudin (ye tue 16th), Murkan (ye tengah 15th), Nga ye kecik sekali namenye Mursyid (14th), ngerdahay di dangau badah pendedakan. Ade pule bini mang Panjul namenye ibung Martini, anye die dang bebires-bires badah makan langsung nyuci piring ke ayik luang, laju lum pacak nak ncintung umungan mang Panjul nak beranak.
Makan malam ni agak rene juge asenye tu (mang Panjul mbuka cerite), Gulai ampu’an gendule, ulam petai campur embing matah di tambah pule sambal cung kedire, ikan keli due ikuk gulehan nagang di ayik Inim. Padi empai lah sebakul udim di ghadas nak beranak.
Ui…. asekah masuk serge asenye idup nie kalu lah makan makini saje… sambil ngidupkah rukuk lintingan die ngunjuwkah keting.
Mpuk ikan keli gi due ikuk anye kuahnye ade nga sepanci besak, soalnye ame gi dikit menae ikannye laju dikebagian. Guleh anyigh ikan jadilah mpuk dik ikannye di makan, mbak itulah ame care mang Panjul nga Ibung Martini ngalah dalam soal makan ndik anak-anaknye tadi, terutame dengan anak-anak nye Murkan(15th) nga Mursyid (14th).
Mpuk gi tamat SD, mang Panjul keruan kalu dakkecik itu perlu makanan begizi, njadi nak didulukah dalam soal makan. Jangah diktau, Mangke dikde Upul menae, kalu mereka lah besak kele. Mbak itulah kate mang Panjul nga anak-anaknye suatu hari.
“Malam ini, Bak, kah becerite kudai dikit nga rumbungan kamu ngguk ini”,
kate mang Panjul, sambil ngembuskah asap rukuk lintingan. Kina’an gigi mang Panjul disele-sele die becerite, jarang menae kene udul sejak jaman Soeharto gi gagah sampai die lah nyeribu aghi…, apelagi Listerin, ubat kumugh-kumugh tu ceh… lum tekeruan kanye titu… anye gilah gale,,, ye penting kami sihat, dik kurang pajuh dikde ngurusi duit ye kanye ndik ngkuk (makitulah katenye nga tetanggenye waktu di lepaw dang di dusun nunggu sembayang jumat)
Die mulai mbuka cerite agi….
“Base kawe kite tu, kina’ilah… …putikenye saje lah ade mbak gucuh Bak ni puntalannye, apelagi taun ini ni, kah mukul agung kebun kite ni,… Cukah amu njadi bak nak nenangh dikit, tuape kendak kamu ngguk ini ame lah Mutigh kele…mangke Bak pacak nurutkanye???”
Sudin: Oy… bak, ame mbak itu lemaklah kite belikah mutur kian, ame lah ngasil kele. Kinakilah tetangge kite tu. Udim mukul agung die mbeli Mutur….!
Murkan: Au nian…Bak, nyelah kate kang Sudin tu, kite belikah mutur saje, pacak kite midang-midang ke Marinim
Mang Panjul: Nah… Ame kate kabah, makmane….?? Mursyid….?? Tuape kendak kabah.??
Mursyid yang diam saje sejak ndi tadi mulai njawabi Baknye ngumung
Mursyid: Mpuk aku ribang kalu mbeli mutur tu, anye kang Sudin tu dindak sesimbang … 😦 , kele satelah die makai, dikkah galak die minjamkah aku. Nak die sughang tulah makainye, manekah galak aku ame mbak itu.
Lum udim Mursyid ngumung, ade pantauan Ibung Martini nak tulungi ngambik ayik kalu nak kayik malam, laju die 3 beghading saje becerite.
Lum lame mang Panjul ke Bawah…. Sudin Mbuka Cerite
Sudin: Uy, kabah MURSYID… kele kupinjami kabah tu, kinailah tadi ikan keli gulehanku kunjukkah nga kabah. Apelagi mutur…!!!
Mursyid: Ah…daklah kuday, ikan tu kabah njuk nga aku karne depan Bak saje, cukah ame Bak nga Umak dikbedie,,,!!! Kah kabah pajuh gale titu…!!!
Murkan: Au nian anye kamu ni kang Sudin, kamu ni nak lemak tulah. Dindak bebagi. Kele aku nak ncukah dengat, dik kamu ajung Pule. Mentang-mentang tue…..!!!
Sudin: Nah, kabah ni Murkan…. kabah tu awak ku lagekah, cukah ame aku dikbedie. Pacak kabah tu ba’bukah jeme di sekulah. Ame kabah nak mbantah-mbantah aku KALU KABAH KU GUCUH KELE… (Sudin mulai Emosi) LUM KERUAN KABAH NGA GUCUHKU NI, PACAK PALAK KABAH TU BELAMPU….!!!
Murkan: Nah…kabah (Murkan lah Nuduh kakang)…. Ngape kabah lah nak nggucuh aku…??? Au ame dulu, kamu lagekah aku gi kecik, anye ame makini akuni lah pacak KUNTAW, LUM ADE AKU KAH TAKUT NGA JEME SE-SMP ANGAT TU. Mane…Parakkalah kesini, nak kuligat gale…..(Murkan Emosi, mulai cakningkak ngancakkah Gucuh lebuk).
Mursyid: Nah..Nah…lanang ini, cacak belagak. Daklah cak ningkak di dangau ni KABAH MURKAN, kalu rubuh…!!! Ame gerut, pailah nga aku kudai…..Kudai nga jeme lain!! (Mursyid terbawa emosi kelakuan Murkan, darah remajanya bergejolak).
Sudin: Wacahnye…kabah Murkan. Ngape pule cacak gerut, awak penakut. Lajukalah Mursyid, ajaklah belage (Sudin memanas-manasi Murkan).
Murkan: Pailah, ame mbakitu… KITE BELAGE KUDAY…
Mursyid: Pailah,…. (die langsung nantang Murkan).
Sudin: Lajulah, mpung Bak, nga Umak lum balik….!!!
Lum lame… (Murkan VS Mursyid belage di dangau)
*&%*(%*&^$^&$(JEDUG….GEDAR…GEDBUG…TAR……PAR..PISSSSSS.PUSSSSSSSS..TRANG…. %&^$%#%^##%$%#%#%@$%@$@*(&%(&$^(&^$^$*
Sudin: AYO…AYO…MURKAN, KECAK’I KETINGNYE….MURSYID, KECAKKAH LIAGHNYE…. LAJU..LAJU (SAMBIL BETEPUK TANGAN TETAWE-TAWE)
AKHIRNYE……
Murkan: UDIMMMMMMMMMM…..OY…UDIMMM……………… BISUUULLLLKU PECAH………………………. UDE KUDAYYYYYYYYYY …….OOYYYYY (SAMBIL NANGIS DENGE-DENGE…..), UMAK NI….. SUDIN NGADUK KAMI LUK AYAM BERUGE……. UMAKKKKKKK……….
Di kejauhan tedengagh…….
Ibung Martini: Ngapeeeeeeeeeeeeee..Nakkkkkkkkk…………..Uy…anakku….. Ngapeeeeeeeeee…….!!!!!!
Lum Lame Ibung Martini nga Mang Panjul lah di dangau…. lah lipugase ncakaghi ubat bisul Murkan lah pecah…!!!
Murkan, lah nangis denge-denge nginaki darah dikberenti ndi balungnye…. Mursyid lah besimbun di baling duaghe, ketakutan, bibighnye lah mumuw, kena siku Murkan, anye die diam saje, dik beghani agi nak ngadu nga Umaknye….
Sudin lah teplesi, dainye lah pucat luk nasi basuh…. dalam atinye,
“Uy…cacam,,… ngganti pule aku. Matik…kele adingku ni…. kah makmanelah ame die lah matik kele, nyesal pule aku….Oy…oy….. “
(Sudin lah kegemean nginak adingnye lah dedenge nangis kesakitan…).
Ngape pule aku ni….ngape pule aku ni…. oy..oy…
(Sudin nyesali perbuatannye…., anye nasi lah njadi bubuw, dik tau agi nak ngulanginye…).
Akhirnye, karne darah ndi balung Murkan dik berenti… laju nak di batak ke dusun. Kebenaran pule mang Panjul dang luke ndi bakigh, laju Sudin harus ngambin Murkan balik ke dusun yang bejarak 5 km naik turun tanjakan, jalan setapak yang liut….(LANTAK KELAH KAU…..!!!)
Sesampai ndi puskes, Sudin ngunjuw kepayahan, penyesalannye dik tebayar gara2 ngambin Murkan kisah ndi kebun sampai ke dusun. Die merase besalah, nginak adingnye sutik lah Banguw, sutik lagi lah pecah BISUL. Mane kene marah pule li Ibung Martini.
Mutur lum mbeli, bisul pecah, mulut lah banguw…..
Uy…Sudin…Sudin…Alangkah Ngganti Dengah…. Cih
Bandung: 1 Oktober 2009
Inspirasi dari cerita teman lama 🙂 (Nama dan kejadian hanya fiktif belaka)
Filed under: Budaya, Daerah, Jokes | Tagged: Bahasa Semende, Cerita Rakyat, Cerpen, Sastra Semende, Semende, Semendo |
Kec. Semende Kab. Muara Enim Prop. Sumatera Selatan 
ade cerite laen dide??? ninik sang bebulu kapuh
auuu…sape ye masih tehingat gah cerite ninik sang bebulu….ha2..ha…tehingat dikit2…wkt di ceritei li nining ku dulu..
base nye dide asli….ame ngicik ka pegai tu bukan ne BISUL anye PEGAI…..
(kele satelah die makai) luluk kate kate ini….ame ne benagh kele udim die makai e
Anye aku lemak nengagh cerite ni
salam gale kandek kantin-kantin di rantau…bada jeme
Bagus banget ceritanya jdi kngen ma dusun…
bebnyaklh buat cerite tu mang,,
alangkah seru nye crite mah kmu mang,wak,,,,,,,,,,,,,lanjutkaa mang e….kah didukung kinah…..salam nek kance2 q yang ade di pulpa khusus kah ndek jeme sma kls 3 love u fulll.
ai mang ringkeh kiamat cerite dengah. bebanyak mbuat ai. make jeme ribang
Hwahahahahahaha…
hua ha ha ha,…alap kiamatan cerite kamu tu mang,…lanjut….. PERTAMAX gan,…
au kate bisul tu pegai kate kite
belagak nian titini..
ai mang alangkah alap pule cerite denga niiii…..lanjut terus mang mangke kite ase di dusun.aku ni jme padang guci bengkulu..ame base nining kmi titu andai – andai mang.
lah lame benagh dirantau..mbace cerite ini hindu kematian nggah dusun…
alangke alapnye ceritu tu…. lelame dek tedengau nga riwayat2 jaman nineng2 dulu….
Cukah Tulislah nakanambe cerite Jambu mbak Kulak …Asli lah lame dek dengagh andai2nye…
Assalamualaikum, Alhamdulillah giade ye tehingat nga cerite lame, sederhane ceritenye, cuma retinye dalaaam titu, salut buat penulis.
Kesempatan ini aku mintak tulung kalu ade ye keruan nga kance-ku, namenye ISJAYA SUSI (Dusun Muare Due) dan M. Rison Somad (Dusun Pulau Panggung), amu betemu tolong infokah nga aku 081348701168, aku dik betemu nga kanceku tu la lebih kurang 30 Tahun, terime kasih atas bantuannye, Wassalam,
cacam………aq nak tetawe…..la tangeh dik nengae cerite selucu ini mang…
masih ade dikde cerite ye lain lagi….. maklumlah nik bahan ceritean anak sebelum tiduk kele…mak ini aghi dikbedie lagi cerite asli semende tedengae di cuping…..ye ade mak ini sinitron ngah naruto hahahhaa….
BTW….acungan due jempol untuk pembuat blog semende nih,…..saluuuuuutttt…..payu same same kite majuka semende mpuk sandi jauh……..
hahahahahha lucu palangggg
lucu palanggggg
pertama kali kakang kami kuliah kekarang, (Depat ga’ Taslim) katenye kah lemak benae kuliah kah jadi jeme gerut, tahun depannye nyusullah yantuk ga’ sarif, ndapter kuliah di perguruan tinggi teknokrat, anye dik bei jebol, laju belanju masuk ke kampus DCC Bandar lampung, kuliahlah dei di sane, nah lame dik kelamean lah dik nahan yantuk laju belanju keetawinye gawi jeme tue didusun, laju ajungnye balik ame dik kah pake, andun ngabiskah duit jeme tue, sarif tadi masih lanjut anye sampai mbek ini lum kinah wisudah, alhandulilah anye die masih galak kuliah, tahun depannye nyusul (idi,agung,buntal) ade ye ndaptar SMA ade ye ndaptar Kuliah pule, masih betahan sampai mak ini tahun depannye nyusul ripi ndap[tar SMA mpai setahun lah ndak balik kedusun lah dik tahan agi di tanyei dik keruan tape kendaknye, masih di upuk untunglah dengae kanye, mbak ini lah gahinye gawi ndungnye dang tungguinye dikarang. (Kisah kami sekeluarge, Njak Di Gunungterang Lampung Barat, Nuntut ilmu di kota bandar lampung) Alamat KOstan Palapa 2 Gang Pelita Blok B, No 15,Bandar Lampung, Dik keruan ade ye ke bandar Lampung singgah ke kostan kami, Sekian Wasalammu Aliakum warohmatu allah wabaro katuh.Oy Au dik tehingat tolong do’akah dikit Kamini mangke jadi jeme (Sukses),
Engkuk masih banyak andai-andai (cerite lame), tapi Aku lum sempat ndak nulisnya. Sape galak ndengaekanye, beghusiklah nggak Aku di Perth Australia, pasti kubacekah.
SA’I (anak Semende) di Perth Australia.
🙂
jadi tehinggat dusun oiii
ketik : wak can atau ketik palak bulas
wak can memang ganteng sedunia
dan paling sexsi di dunia.
acam………aq nak tetawe…..la tangeh dik nengae cerite selucu ini mang…
masih ade dikde cerite ye lain lagi….. maklumlah nik bahan ceritean anak sebelum tiduk kele…mak ini aghi dikbedie lagi cerite asli semende tedengae di cuping…..ye ade mak ini sinitron ngah naruto hahahhaa….
BTW….acungan due jempol untuk pembuat blog semende nih,…..saluuuuuutttt…..payu same same kite majuka semende mpuk sandi jauh……..
auuu…sape ye masih tehingat gah cerite ninik sang bebulu….ha2..ha…tehingat dikit2…wkt di ceritei li nining ku dulu..
haaa….ceritenye lucu ya…
Nduk ngape pule aku mpai tebace cerite ini …cete cete mang…hahahahah
Hahaha.. Ade bingungnye,ade tawe nye kadang ade pule dekdebie maksudnye. Amun nginak ‘I bacaan tini, teringat ame kance2 ku dulu, jeme semende gale.
Dek sangke ade rindu juge nak kumpul2 lg ame kance2 dulu.
DIsini ade Reny, Sinta, Nia, Tity…. siswi SMA N 1 SDL.. kami anjam nian ngah cerite mang Admin niiih,…. menurut kami, ame pacak cakagh cerite yang lah ade didusun ni,, misalknye (AYIK ENTOP ENTOP) sejarah Muara Dua dan Pulau Panggung… dll.
Terime kasih atas cerite nye kami merase terhibur menagh..
duk duk duk….
ghindu ngahi dusun lah lame dik balik ni,
ape lg bace cerite ini ase lh di dusun agI,”!!
“agra jeme pulau panggung/martenang”
ibung nak milu ndengaenye pule
ibung di sda mpai pacak ade cerite cerite luk ini . laju tehingat dulu gi kecik khapat nengae andai andai umak.alangkah khindu nye nga cerite batu betangkup,endung bapang kebau,ade ye pacak nyeritekanye agi ? terime kasih nian ibung.ini akun anak saya